| 1 | |
AF268: 78r ben gėrü otaq ṭarafına rücūʿ ėtdüm aġa benümle ġavġā ėtmege āġāz ve lecec‑i [?] meʾlūfı bābını bāz ėdicek bu dem mübāḥes̱e zemānı degüldür // bu gėce ne ḥāl ise ketm‑i sırra ihtimām‑i ḫidmetini temām ėdüñ ṣabāḥ daḫı qarībdür kerem ėdüb bir laḥẓa ṣabr u ārām ėdüñ // ve bi l‑cümle hezār tażarruʿ ve ibrām ile rām ėdüb el‑yasinü [?] ṣ‑ṣubḥ be‑qarīb [?] tilāvetine meşġūl olduq ṣabāḥ olıcaq // āyīn‑i dīvān üzre eglediler vezīr‑i aʿẓam Pīrī Paşa içerü girdükde dīde‑i ġam‑dīdesinden isāle‑i dümūʿ // ėtdi bu ḥaqīri göricek elüme yapışub gėce ėtdügüm tedbīri istiḥsān ėdüb ḫayr duʿālar ėtdi ve ḥaqq ḥażretleri // seni bu āstāneye bu ḫidmet içün getürmiş eger sen olmasañ tedbīr‑i dil‑ḫırāş zümre‑i ṭavāş ile memleket‑i ḥarāsa // varur idi dėyüb envāʿ‑i tesliyet ü istimālet eyledi ve ol gün vech‑i muʿtād üzre āyīn‑i dīvān // cereyān bulub tevżīʿ‑i münāsib ve terfīʿ‑i merātib qılındı ve eṭibbāya ḫılʿatları vėrildi ve techīz ü tekfīnleri merāsimi // görilüb ʿulemā‑yi eṭibbādan Ḥekīm Şāh Muḥammed Qazvīnī ve ḥekīm ʿĪsā ve ḥekīm ʿOs̱mān derūn‑i otaq‑i [?] bülend eyvānda ġusllerine [?] // mübāşeret eylediler ve ḥīn‑i ġuslde yed‑i yümnāları iki kerre setr‑i ʿavret ėtdügin müşāhede ėdicek her biri iẓhār‑i // ḥayret ėdüb tekbīr ü ṣalavat getürdiler ve namāzların edā ėdüb emāneten pisterleri Ḥıżrveş olan // maḥallde defn ėdüb vāris‑i efser ü taḥt [!] şāh‑i nīk‑baḫt sulṭān Süleymān Ḫān ḥażretleri ne perende‑i ṭayr‑i seyr ile // bir sırr‑i mektūma müştemil mekātīb‑i maḫtūma gönderüb serīr‑i salṭanete teşrīfe istiʿcāllerin ve maqarr‑i ḫılāfete // iqbāllerin istidʿā ėtdiler ve ol hengām‑i meserret‑encāmuñ [?] ol maqāmda ārām ėtdiler ve baqīye‑i // qıṣṣa‑i cülūs‑i seʿādet‑meʾnūs Sulṭān Süleymān ḫānīden‑ṣoñra [?] olmaġın dāstān‑i şeref‑nişānlarında inşāʾa llāhu // r‑raḥimīn īrād olınur dil‑āgāhuñ cāygāh‑i qudsa riḥlet ve ʿazm‑i maqarr‑i raḥmet ėtdügine böyle tārīḥ [!] // dėmişdür tārīḥ [!] Rūḥını Sulṭān Selīmüñ yā ilāh Ġarq‑i raḥmet qıl bi‑ḥaqqi fātiḥa Kim vefātına anuñ tārīḥdür [!] Ehl‑i īmān rūḥı içün fātiḥa Vilādet‑i seʿādet‑i ġānīleri [...] şehrinde [?] sene [?] ḫams ve sebʿīn ve s̱emānī miʾede olmaq menqūldur nite kim // Mevlānā İdrīs bu taʿbīr‑i nefīs ile ẕikr ėtmişdür beyt Ba haftād u panč az ṣad z haštumīn Buvad [?] [...] šah uftād durrī s̱amīn |